Поделитесь с друзьями:
Стихотворения на казахском

Ақ көгершін — Әбу Сәрсенбаев

Ақ көгершін - Әбу Сәрсенбаев

Ақ көгершін азығын
Қолыңнан бердің, бөбегім.
Ал сені де ана жанының
Көгершіні дер едім!

Әсем ғой ақ құс өзіңдей,
Қызыға күліп қарайсың.
Қатерді әсте сезінбей
Қауырсын жүнін тарайсың.

Толқиды ол қақса қанатын
Төбеңде лентаң көгілдір.
Жайдары неткен, жарасым,
Көзінде жайнап өмір – нұр!

Сүйсіне қарап сыртыңнан
Анаң тұр тосып білегін.
Білегі емес толқынған
Тосуға дайын жүрегін.

Қондырып құсты жас талға
Шаттана шалқып қарадың.
Көгершін ұшты аспанға
Көтеріп өмір талабын.

Бақытты күлкі көзінде,
Саусақпен көкті нұсқайсың.
Бүлдіршін – бөбек өзің де
Ақ құсқа сонау ұқсайсың!

Leave a Reply

Ваш адрес email не будет опубликован. Обязательные поля помечены *

Этот сайт использует Akismet для борьбы со спамом. Узнайте как обрабатываются ваши данные комментариев.