Телефонмен жұбатады — Мұзафар Әлiмбаев

Телефонмен жұбатады - Мұзафар Әлiмбаев

Біздің Әсем келе сала сабақтан,
Татпай тұрып столдағы тамақтан,
Телефонмен шақырады анасын,
Хабарлайды бүгінгі алған бағасын:
– Мама, бүгін екі бірдей «Бес» алдым,
Есіңде ме алдың күні неше алдым?!

– Бәрі есімде! Айналайын есімде,
Құтты болсын «төрттігің» де, «бесің» де.
Терген білім, көрген тәлім – аспандап,
Азамат боп өсуіңе баспалдақ!
… Телефонмен хабарлайды бағасын,
Әсем солай қуантады анасын.

Сонда анасы бір жасайды шалқиды…
Қанатсыз-ақ көк жүзінде қалқиды…
Әсем егер алып қалса пәс баға,
Оңашада қара көзден жас тамар…

Сол күні бір айрылғандай тілінен,
Телефон да тырс етпейді күнімен.
Онда айтпай-ақ іштен сезіп анасы,
Телефонмен жұбатады баласын…

Понравилась статья? Поделиться с друзьями:
Добавить комментарий

;-) :| :x :twisted: :smile: :shock: :sad: :roll: :razz: :oops: :o :mrgreen: :lol: :idea: :grin: :evil: :cry: :cool: :arrow: :???: :?: :!:

Этот сайт использует Akismet для борьбы со спамом. Узнайте как обрабатываются ваши данные комментариев.