| – Айтшы, Әжетай, Әжетай! Атам осы, кім менің? – Атай, аты баптаған Бәйгі бермес «Ақтабан» Құстай сергек ұйқысы Атаң сенің жылқышы. – Айтшы, Әжетай, Әжетай, Ағатайым кім менің? – Құймақ, тоқаш, ақ нанның Білсең тәтті бал дәмін, Егіншіні есіңе ал, – Дихан ағаң сол жаным! – Айтшы, Әжетай, Әжетай, Апатайым кім менің? – Мақтансаң сен басқаға, Апаңды естен тастама, Жүз баланың анасы, Тәрбиеші ол бақшада. – Айтшы, Әжетай, Әжетай, Нағашым осы, кім менің? – Әдемі пальто жағасын, Айтшы, қайдан аласың? Қаракөл қойын өсіріп, Әперген сенің нағашын, – Айтшы, Әжетай, Әжетай, Жездем осы, кім менің? – Үйреніп үлкен қаладан, Кірпіштен үйлер қалаған, Ардақтысы ауылдың, Құрылысшы ол ағаң. – Айтшы, Әжетай, Әжетай, Жеңгем осы, кім менің? – Табын-табын тау іші, Жеңгең сонда сауыншы. Ірімшік, құрт, қаймақ, май, Жеңгеңнен келген, ойлап қой! – Айтшы, Әжетай, Әжетай, Жиен ағам кім менің? – Кеш болса кең көшенің Жарқ етсе шамы неше мың – «Өссін дейміз өркені» Жиен – колхоз монтері. Құлыным, ботам, көжегім! Кім боласың, сен өзің? | |